O GUBIERNO CONTINA ESBORRANDO L’ARAGONÉS Y O CATALÁN D’A LECHISLACIÓN ARAGONESA

O Gubierno d’Aragón ha feito unatro trango ta esborrar qualsiquier repui de lechislación a on que sisquiá apareixcan nombradas as luengas aragonesa y catalana con o suyo nombre. Iste zaguer trango s’ha feito antimás d’amagatons, en incluyir-se en una esmienda en a Lei de Presupuestos de 2015, que modifica a Lei de Patrimonio Cultural d’Aragón de 1999.

O texto, aprebau con un gubierno PP-PAR, con o refirme de toda la resta de partius que bi heba en as Cortes t’a part d’alavez, deciba:

“Articulo 4. Lenguas minoritarias.

L’aragonés y o catalán, luengas minoritarias d’Aragón, que en o suyo ambito son comprendidas as diferents modalidatz lingüisticas, son una riqueza cultural propia y serán especialment protechidas por l’Administración”

O nuevo articulau, dimpués d’a esmienda d’o gubierno diz:

“Articulo 4. Luengas y modalidatz lingüisticas propias d’Aragón: 

1. Antimás d’o castellano, Aragón tien como propias, orichinals y historicas as luengas aragonesas con as suyas modalidatz lingüisticas d’emplego predominant en as arias septentrional y oriental d’a Comunidat Autonoma. 

2.- Constituyen o patrimonio lingüitisco aragonés totz os biens materials y inmaterials de relevancia lingüistica relacionaus con a historia y a cultura d’as luengas y modalidatz lingüisticas propias d’Aragón”.

Contina asinas una politica decidida de sacar toda mención a l’aragonés y o catalán, con os suyos nombres scientificos, reconoixius por toda la comunidat filolochica y lingüistica d’o mundo. Ista politica tien o suyo mayor sinyal en a Lei de no luengas, que apedecó.....................

Ta leyer tot l'articlo

punchar en a imachen

Fuente: www.arredol.com